Vergi öhdəliklərinin düzgün müəyyən edilməsi və hesabatların vaxtında təqdim olunması hər bir şirkətin fəaliyyətinin mühüm hissəsidir. Hesablamalardakı səhvlər, əməliyyatların düzgün əks etdirilməməsi və ya bəyannamələrdəki məlumatların uyğunsuzluğu əlavə vergi öhdəliklərinə, faizlərə və maliyyə sanksiyalarına səbəb ola bilər.
FlexAudit şirkətlərə vergi öhdəliklərinin hesablanması, vergi bəyannamələrinin və digər məcburi vergi hesabatlarının hazırlanması və yoxlanılması üzrə dəstək göstərir. İş zamanı şirkətin fəaliyyət xüsusiyyətləri, həyata keçirilmiş əməliyyatların xarakteri və vergi qanunvericiliyinin tələbləri nəzərə alınır.
Biz həmçinin artıq hazırlanmış və ya əvvəlki dövrlərdə təqdim edilmiş vergi hesabatlarını yoxlayırıq. Bu, səhv və uyğunsuzluqları müəyyən etməyə, dəyişikliklərin edilməsinə ehtiyac olub-olmadığını qiymətləndirməyə və müvafiq əsaslar olduqda dəqiqləşdirilmiş bəyannamələr hazırlamağa imkan verir. Belə yoxlama ayrı-ayrı vergi növləri və ya hesabat dövrləri üzrə, eləcə də bir neçə vergi öhdəliyini əhatə etməklə həyata keçirilə bilər.
Fəaliyyətimizin ayrıca istiqamətlərindən biri şirkətlərin və sahibkarların vergi qeydiyyatı, o cümlədən ƏDV ödəyicisi kimi qeydiyyata alınması və qeydiyyat məlumatlarına zəruri dəyişikliklərin edilməsi ilə bağlıdır.
Xidmətə nələr daxildir
Vergi öhdəliklərinin hesablanması, vergi bəyannamələrinin hazırlanması və təqdim edilməsi
Şirkətin vergi öhdəliklərinin müəyyən edilməsi və vergi qanunvericiliyinin tələblərinə uyğun olaraq müvafiq bəyannamələrin hazırlanması.
Vergi bəyannamələrinin və məcburi vergi hesabatlarının yoxlanılması
Hesablamaların düzgünlüyünün, əməliyyatların hesabatlarda düzgün əks etdirilməsinin və təqdim edilmiş hesabatların müəyyən olunmuş tələblərə uyğunluğunun yoxlanılması.
Əvvəllər təqdim edilmiş bəyannamə və vergi hesabatlarına düzəlişlərin edilməsi
Aşkar edilmiş səhvlərin təhlili və müvafiq vergi dövrləri üzrə zəruri düzəlişlərin hazırlanması.
Vergi qeydiyyatı, ƏDV qeydiyyatı və qeydiyyat məlumatlarının dəyişdirilməsi
Qeydiyyat prosedurlarının müşayiəti, müvafiq dəyişikliklərin edilməsi üçün tələb olunan sənəd və məlumatların hazırlanması.
FLEXAUDIT